martes, 7 de abril de 2009

Fuxindo da Blogoteca: novo O Ghaiteiro de Lapamán

Levaba meses e meses querendo deixar atrás a miña fase Blogoteca. Pero non o daba feito. Por unha parte o sentimentalismo de ter sido o meu primeiro blog medio en serio, pola outra o cabreo de que non exista un sistema de exportación dos contidos desde a Blogoteca a outros sistemas e, sobre todo, a falta de tempo, fórono atrasando.

Pero aquí estou. O ghaiteiro de Lapamán inicia unha longa mudanza cara a Blogger.

Por que?

  • Porque canto máis vou sabendo, máis encorsetado e atado me sinto na Blogoteca.
  • Porque non permite máis dunha foto, salvo que un se meta en trucos.
  • Porque non é nada Google friendly.
  • Porque non é compatible con case ningunha das novas ferramentas que van saíndo: Twitter, Facebook, case calquera html que queiras meter a maiores...
  • Porque a Blogoteca quedou estancada e en Internet estancarse é morrer.

Que vou facer neste?

  • Pois seguirei usando este blog como usaba o da Blogoteca, para asuntos máis persoais (para os profesionais xa abrín outro), as cousas de a cotío, as afeccións, os arrebatos líricos e lingüísticos...
  • Se cadra vou mudando aos poucos algúns contidos desde a Blogoteca. Por iso falo de longa mudanza, porque tal e como ando de tempo... hei tardar.
  • É posible que poña un apartado sobre a praia de Lapamán. Que demos! Hai moita xente que busca esa información e os pobres chegaban ao meu blog e acabarán chegando aquí. Qué menos ca darlle esa información que, ademais, teño tan de man. A gasolineira rouboume o dominio, a ver se aínda así, logro pasarlle por riba no Google.
  • E, polo demais, deixarme levar polo momento, que por algo este é o persoal.

Ah, antes de que empecedes a metervos coa plantilla cutre que escollín, take it easy, penso cambiala. ¡Acéptanse ideas!

1 comentario:

Belgarath dijo...

parece que me leeche a mente, vaia plantilla mais cutre, jejejeje. esperaba aljo mais chic!!!
a ver se convencemos a castiñeiras mais a armonia femenina pra que se cambien, e xa seremos unha gran familia blogger. Chauuu!!!
P.D. que plantilla mais cutre, cutre, cutre...